نجوم الليل

نجوم الليل

نجوم الليل ... دموع تبكى على حبى وآمالى
سواد الليل ... سطور تحكى عذابى وانشغال بالى
....
ظالم وبحبه من روحى ... قاسى و ف حبه طااال نوحى
ليه الظلم ليه ... ليه القسوة ليه
ليه يا ربى ليه .. ليه
....
داريت الدمع والشكوى ... عن الدنيا اللى ما تسوى
ومين قال الحياة حلوة !!! ... وفيها الظلم والقسوة
لمين أشكي ويسمعنى ... لمين أبكى ويرحمنى
ليه الظلم ليه ... ليه القسوة ليه
ليه ياربى ليه ... ليه
....
العمر قضيته.. حزين مظلوم ... أخلص من هم آلاقى هموم
على دمعى أنام ... على دمعى أقوم
وأقول دا نصيب وقدر مقسوم
....
يا ربى إيه العمل ... دى حكمتك
يائس ومالى أمل ... غير رحمتك يارب