كنت فاكر .... و لقيت .... !!

]السلام عليكم و رحمة الله و بركاته[/

أولا أنا مش عارفة مكان الموضوع المفروض يكون فين بالظبط علشان هو أساسا مش عن النصب .. عموما هسيب دة لتقدير المشرفين .

كل واحد مننا أول ما ابتدى المجال دة كان فاكر حاجات معينة عن الشركات و المكسب و اتضحله حاجات تانية خالص , بمعنى ان فى ناس كسبت فعلا علشان تعبت و مجهودهم ما ضاعش , و فى ناس كسلت و يئست و فشلوا , و فى اللى معرفوش طريق النجاح و كانت حجتهم " دة كله نصب فى نصب " , و فى اللى بيحاولوا بس خبرتهم مش كبيرة و بيدخلوا شركات و بعد فترة من التعب يكتشفوا مفاجأة p('') , احيانا بتكون سارة ( بونص مثلا و دة مش شائع أوى لأن الشركات مش هتحدف كتاكيت ) , و غالبا بتكون مفاجات صادمة شوية , و أدينا بنتعلم و محدش بيتعلم ببلاش , عايزين فى الموضوع هنا كل واحد قابلته مفاجأة فى أى شركة من الشركات يقولنا عليها علشان لو حد غيره بيبنى أحلام على أساس غير سليم نبقى بنساعده يكمل طريقه صح و خصوصا المبتدئين , أتمنى أصحاب الخبرات يثروا الموضوع بتجاربهم و خبراتهم ..

ممكن أبدأ بأول مشاركة ؟؟

أول صدمة ليا كانت من شركة gagabux شركة محترمة و كل حاجة لكن سياستها اللى مش كل الناس تعرفها أول ما بيسجلوا فيها ان العضو ال standard او المجانى مايقدرش يسحب فلوسه حتى لو وصل للحد الادنى للدفع الا لما يعمل upgrade و هيدفع على الأقل 9$ " علشان يقدر يسحب ال 2$ !!!! " طبعا دة شئ مربح للعضو اللى عنده referrals كتييير يعنى مش موقع يبعث على التفاؤل لحد بيبدأ .. لكن على المدى البعيد مربح لمن يستطيع الانتشااااااااااااار

تانى صدمة من شركة facebux المفروض الحد الادنى للدفع للعضو العادى 10$ و طبعا بنيت احلام على المكسب دة .. و للأسف مكنتش دخلت على منتدى الشركة و شوفت اثباتات الدفع غير بعد اسبوعين تقريبا من اشتراكى فيها ,, و المفاجأة ان الحد الادنى للدفع و دة اللى هيوصلنى 0.1$ يعنى 10 سنت !!!!!!!!! و دة زى شركات تانية بتقول مثلا ان الحد الادنى 2500$ و بيكون المبلغ 1$ يعنى دى سياسة موجودة بس للأسف اتخدعت فى ال 10$ على اعتبار انه مبلغ مش مبالغ فيه .. بس اتضح انه كتير برضو !

ياريت كل اللى عنده صدمات او مفاجات حلوة او وحشة يقولهالنا و يحكيلنا كان فاكر ايه .. و لقى ايه