أقتراح وأرجو التصويت عليه

إخوتى الأعزاء ما رأيكم لو يكون لكل شركة فى قسم الحوارات موضوع مستقل
فى هذا الموضوع نعرض مشاكلنا وراينا فى الشركة
ولو أى حد محتاج مساعدة بخصوص أى إستفسار بخصوص هذه الشركة يبقى الجميع هايستفيد
و أعتقد ده هاينظم الحوارات أكتر
بدل ما كذا واحد فينا يعمل موضوع عن نفس الشركة وكدة يبقى بنوفر وقتنا وجهدنا وبنجمع خبراتنا وبنعمل ما يشبه فايل كامل عن الشركة

أرجو التصويت على الفكرة

موافق أو غير موافق فقط فى الردود بدون اسباب

ولا تنسوا التصويت فى مقدمة الموضوع

انا موافق
بس محتاج توضيح أكتر
يعني انت عاوز توصل بأيه بالظبت في الفكرة

بص يا أستاذ محمد
هانفترض إن فى 100 شركة إعلانات
وفى 20 عضو مشترك فيها
لو كل واحد عمل موضوع عن كل شركة منها يبقى كل واحد هايعمل 100 موضوع وعدد المواضيع هايبقى 2000 موضوع فى الحوارات بين الأعضاء بخصوص الشركات الربحية طبعاً ده فرضاً

لكن حسب إقتراحى هايكون فى 100 موضوع فقط كل منها يغطى شركة واحدة فقط وكل من يريد الإستفسار أو التحاور بخصوص شركة منها عليه فقط أن يبحث عنها فى الموضوعات ويدخل للموضوع ويكتب ما يريده بخصوص هذه الشركة فى الموضوع الخاص بها
وبكدة هايبقى الموضوع بتاع الشركة متجدد بإستمرار وكمان هايبقى مرجع كامل عن الشركة فيه كل ما يخصها
كمان هايبقى سهل لأى عضو جديد فى المنتدى أن يدخل الموضوعات للبحث والإستفسار بخصوص كل شركة فى مكانها

وأتعشم تكون فكرتى وصلت
لو الموضوع تراه مهم أرجو تثبيته ليدخله الجميع وكل يدلى بدلوه

تحياتى
دمت بود

بس بكدة هتبقى المواضيع فيها ظلم لناس على حساب ناس تانية
يعني فرضنا ان في واحد مشترك في ال 100 شركة دول و قام عامل عنهم المواضيع
بكدة مش هيدي فرصة للباقين أنهم يجيبوا رفيرال على الشركات بتعتهم
و ألا بكدة نفتح المساحة للناس أنها تحط الريفيرال بتعهم في المشاركات بتاعت مواضيع الاعضاء و بالتالي صاحب الموضوع هو ألي هيتظلم لانوا هيعمل الموضوع و هيتعب فيه و ممكن يجي واحد بيقرا الموضوع و نزل يشوف المشاركات فيكسل يطلع يشترك من رابط صاحب الموضوع و يشترك من أقرب رابط ليه

ايوة فعلا هى كفكرة حلوة جدا ومنظمه منك ياستاذ يوسف

بس المشكله ال حيعمل موضوع لشركه حيتظلم لانه حيعمل الموضوع وحد تانى حياخد منه الريفير ياريت تكون فهمت وجهه نظر الادارة مش عاوزين نظلمكم مش اكتر

تقبل فائق احترامى وتقديرى